Patay ang tulo ka pasahero, ug usa ang angol sa pagcrashlanding sa usa ka gamay nga eroplano sa duol sa Boca Raton Airport sa Florida, Amerika.
Ang insidente nahitabo karong kadlawon, oras dinhi sa Pilipinas, kundiin, lakip na-angol ang usa ka sakyanan kung asa mitabogsok ang abyon.
Namahayag ang Boca Raton Fire Rescue, nga daghan ang nakasaksi sa pagtuyok-tuyok sa eroplano ayha mibogsok sa dalan sa Interstate 95, nga adunay nakaparking nga sakyanan.
Gitumbok sa Federal Aviation Administration (FAA)nga usa ka Cessna 310, ang nahagsa ug padulong pa unta kini sa Tallahassee.
Sa pagkutlo ning balita, gipalawoman pa sa National Transportation Safety Board (NTSB) ug sa FAA kung unsa ang matood nga hinungdan sa hitabo.
