Igo ra nagpatulo ug luha ang usa sa tolo ka suspek nga dugay nang gimanmanan sa mga kapulisan sa Cogon tungod sa ilang kalambigitan sa pagpanulis sa Cogon Area ug sa sentrong bahin sa syudad.
Karong hapon, milampos ang Cogon Police Station -2 sa pagdakop sa mga suspek.
Lakip sa ilang gilungkab ang mga patigayon sa Divisoria, Brgy 29, Carmen, Brgy 35 Lim Let kai Area, Macasandig, ug uban pa.
Positibo nga gitudlo sa mga biktima ang mga suspek basi sa CCTV nga ilang gi surrender sa kapulisan.
Unang milusad sa drug buybust operation ang mga operatiba sa PS-2 sa Brgy 32 sulod sa usa ka Inn.
Narekober sa mga suspek ang 15 gramos nga shabu nga mukantidad sa 102,000 pesos, ug 1000 pesos nga buy bust money.
Lakip nakuha sa posisyon sa suspek ang duha ka kalibre nga armas nga 38 cal pistol, ug motorsiklo nga ilang getaway vehicle.
Naila ang usa sa suspek nga criminology student, nga nagtungha ning syudad.
Pinakadaku nga nakawat sa mga suspek ang 400,000 pesos sa usa ka patigayon sa Divisoria, Burger Shop, ug dakung tindahan.
Sa adlaw Martes pa sila ipadala sa piskalya aron ipasaka ang kasong robbery ug pagpayuhot sa ilegal nga druga
