Gibutyag ni kanhi Department of Public Works and Highways (DPWH) Undersecretary Roberto Bernardo nga siya ang personal nga mihatud sa kickback sa mga balay nila kanhi Senador Nancy Binay ug Bong Revilla Jr.
Nalambigit usab sa kickback sharing sila Senador Francis Chiz Escudero, ug Department of Education Secretary Sonny Angara.
Hinoon, dili siya ang mihatud sa salapi sa ilang puy-anan apan, gipaagi kini sa ilang staff.
Gawas sa upat ka senador, nalambigit gihapon sa kickback sharing si Congressman Zaldy Co, usa ka miyembro sa contitutional commission ug usa ka undersecretary.
Una niini, sa wala pa basaha ni retired DPWH Usec Bernardo ang iyang sworn statement, nangayo kinig pasaylo sa tanan niyang kahiwian ug mihandum nga hatagan siya sa igong proteksyon sa Senado ug Department of Justice (DOJ) tungod sa sensitibo nga impormasyon nga iyang iyagyag sa kahanginan ug ipaagi ang uban sa executive session.
