CAGAYAN DE ORO CITY, Philippines – Miapelar sa pag-ampo si Brazilian President Luiz Inácio Lula da Silva alang sa posibleng ihap sa mga survivor sa passenger plane nga Voepass Linhas Aéreas Flight 2283, nga mihagsa sa residential area sa Sao, Paulo, Brazil, kaganinang kadlawon, oras dinhi sa Pilipinas.
Gikakurat ug gikasubo ni President Silva ang video nga nagsirkular sa social media kung asa makita ang pagtaboksok sa abyon.
Subay sa report, 62 ka mga tawo ang sakay niini, lakip na ang piloto ug mga crew.
Gikan sa Cascavel ang abyon ug padulong unta kini sa São Paulo-Guarulhos International Airport.
Wala pay kompirmasyon sa gobyerno sa Brazil kung pila ka tawo ang namatay sa trahedya.
