CAGAYAN DE ORO CITY – Nasunog ang usa ka balay ug nadamay ang usa ka depampasaherong van sa Zone 7 Balaos, Brgy Iponan, ning syudad, karong buntag.
Gawas sa van, lakip sa nasunog ang duha ka baboy nga anaa sa tangkal ug usa ka binuhing iro.
Base sa report SFO2 Rolando Aqi, hepe sa Bulua-BFP nga gipanag-iyahan ni Mr. Roel Yañez ang balay apan gipauy-an sa magtiayong caretakers nga sila Juanito ug Doroteo Ribaca.
Kapin kon kulang P400,000 ang damyos sa sunog. Padayong gisuta sa BFP ang hinungdan sa sunog.
