CAGAYAN DE ORO CITY – Nasakmit sa DXIF-Bombo Radyo Cagayan de Oro ang titulong bloodiest, single day blood letting sa Philippine Red Cross, ubos sa Dugong Bombo Project sa Bombo Radyo Philippines Network.
Niadtong adlaw’ng Sabado, nakamugna sa bag-ong record ang Bombo Radyo Cagayan de Oro human na-doble niini ang kapin 700 nga nagdonar sa dugo sa tuig 2018.
Ning tuiga, gideklarar ni PRC Blood Center Manager Dra. Marie Pelaez ang muabot sa 1, 146 blood donors gikan sa nagkadaiyang lugar sa Northern Mindanao.
Una niini, mismo si PRC Chairman of the Board Atty. Antonio Soriano ang nagpasalamat sa Bombo Radyo Philippines Network tungod sa tinuig nga blood letting.
Miingon si Atty. Soriano nga daku ang tabang sa dugo nga matigom sa milabay’ng blood letting para sa mga biktima sa linog sa Mindanao, mga nagsakit sa dengue, cancer patients, ug mga biktima sa nagkadaiyang disgrasya.
