CAGAYAN DE ORO CITY – Gidayeg ni Pres Rodrigo Duterte ang ‘child friendly governance’ nga gipatuman ni City Mayor Oscar Moreno dinhi sa syudad.
Gihimo ni Duterte ang pag-ila dungan sa pagdawat ni Moreno sa Presidential Award for Child-Friendly Highly Urbanized City sa Rizal Hall sa Malacañang kagahapon sa hapon.
Miingon si Duterte nga unta ipadayon ni Moreno kuyog ang laing awardees nga local govt units ang maong programa nga nag-sentro sa ikaayo sa kabatan-unan sa nasud.
Gitunol usab ni Duterte sa awardees ang 500-mil pesos cash prize.
Gawas sa Cagayan de Oro,mananaug usab ang Carmona, Cavite ug Sto. Tomas, La Union alang sa 1st to 3rd class,3rd to 6th class municipality, ug ang mga syudad sa Tagaytay ug Naga.
