CAGAYAN DE ORO CITY, Philippines – Gi-anunsiyo ni Qatari Prime Minister Sheikh Mohammed bin Abdulrahman Al Thani ang hingpit nga pagpatuman sa ceasefire tali sa Hamas ug Israeli Defense Force sa Gaza.
Sa gilusad nga press conference, gibutyag sa primo ministro nga mu-epekto ang paghunong sa gubat sa Enero 19.
Gitin-aw ni Al Thani nga nabahin sa tolo ka hugna ang ipatuman nga ceasefire.
Ang unang hugna langkoban sa 42 dias kundiin, kinahanglan muhawa na ang tanan sundalo sa Israeli Defense Force (IDF) sa populated areas.
Ikaduha mao ang pagbuhi sa Hamas sa 33 ka mga buhi ug nahibiling mga bihag.
Hinoon, gitin-aw sa opisyal nga duna pay musunod nga mga pagpulong gikan sa mga negosyador sa Amerika, Israel ug representante sa Hamas sa masunod nga adlaw, aron hatagan sa katin-awan ang mga silot nga mahimong atubangon sa pundok nga muguba sa kasabutan.
Ang sunod nga pagpulong posibleng ipahigayon sa Ehepto.
