CAGAYAN DE ORO CITY – Naputol ang paglingaw-lingaw ang usa ka doktor sulod sa usa ka hamugaway nga mall human kini gidakop sa tracker team sa Iligan City Police Office (ICPO), kuyog ang mga elemento sa Cogon Police Station ubos sa Cagayan de Oro City Police Office (COCPO), tungod sa kalapasan sa RA 9262 o VAW-C, kagabie.
Giila ni Police Captain Jaypee Jay Fos ang suspek nga si Dr. Charles Rainer Marquez, 40 anyos, ug molopyo sa Corpuz Christi Village, Tubod, Iligan City.
Sa pakighinabi sa Bombo Radyo kang Police Major Abogado Mautin sa ICPO station-4, iyang gibutyag nga gi-file ang kaso sa mismong kanhi hinigugma sa dinakpan.
Gidakop ang suspek pinaagi sa warrant of arrest (WOA) nga gisilbi ni presiding Judge Anisah Aminodin Umpa sa Regional Trial Court Branch 2, sa Iligan.
Subay sa dugang impormasyon, sinaksihan sa mga elemento sa Criminal Investigation and Detection Group (CIDG) ang pagdakop sa gikonsiderar nga miyembro sa Bayan Muna Partylist.
“The said wanted person was known from the social media as a leftist and a recruiter of the youth in MSU-IIT, Iligan City for demonstration and rally activities”, ingon ang ICPO-station4.
