Miligid na ang imbestigasyon sa kapulisan human napalgang patay si kanhi Department of Public Works and Highways (DPWH) Undersecretary Maria Catalina Cabral sa tiilan sa pangpang sa Kennon Road, Baguio City, pasado alas 5 sa hapon, adlaw’ng Huwebes.
Segun sa Benguet police, gikompirmar sa iyang driver ang lawas ni Cabral kilid sa Bued River.
Subay sa inisyal nga imbestigasyon, mga alas-3 sa hapon samtang nagbiyahe si Cabral ug ang iyang drayber paingon sa La Union, mihangyo kini nga ihunong ang ilang sakyanan sa Maramal Camp 5, Camp 4 ug gisultihan kini nga siya biyaan.
Mibalik ang drayber mga alas-5 sa hapon apan wala na niya makita si Cabral, busa dali siyang nangayo sa tabang sa kapulisan.
Gipangita pa sa mga otoridad ang tinood nga hinungdan sa pagkamatay sa biktima.
Si Cabral usa sa mga giimbestigaran nga nalambigit sa anomalya sa mga proyekto sa flood control sa nasud.
