CAGAYAN DE ORO CITY – Human sa dakung sunog nga nahitabo sa Barangay Carmen sa hapon, laing sunog ang natigayon sa Brgy Puntod karong gabie.
Base sa report usa ka bodega nga nahimutang sa District-4 Julio Pacana, Sts., ang gilamoy sa kalayo.
Gibana-bana nga anaa sa P3.5-Million ang damyos sa sunog.
Wala pay lead ang mga bombero sa hinungdan sa sunog.
Samtang, ang sunog sa Barangay Carmen midamyos sa dul-ag P3-Million base sa report sa Bureau of fire Protection.
Lakip sa nasunog ang kapin 100 units sa computer, kan-anan, dormitory ug usa ka boarding house.
Padayong gisuta ang hinungdan sa sunog nga mi-abot sa ika-upat nga alarma.
Hinoon walay namatay o na-angol human sa insidente.
