CAGAYAN DE ORO CITY- Arestado sa joint operations sa Criminal Investigation and Detection Group o CIDG ug Balingasag Police Station ang high value target subay sa mando sa korte sa Barangay San Isidro,Balingasag,Misamis Oriental kaganihang kadlawon.
Giila ni CIDG-MisOr team member Lt Noel Oclarit ang suspek nga si Ferdinand Roa,hingkod ang panuigon nga nagpuyo sa maong lugar.
Miingon si Oclarit nga nakuha gikan kang Roa ang long firearm nga walay papeles ug suspected drug paraphernalia dihang gipahigayon ang search operations sa lugar.
Dugang ni Oclarit nga gisikop ang suspek tungod sa pipila ka reklamo diin gapabuto daw kini sa sa iyang armas.
Natumbok usab sa CIDG nga may igsoon si Roa nga nadakpan sa PDEA-10 kaniadto tungod gihapon sa pasangil nga kalambigitan sa ilegal nga droga.
