CAGAYAN DE ORO CITY – Nasunog ang bana-bana nga 10 milyon pesos nga kantidad sa kabalayan diha sa Brgy 18 ning syudad.
Miingon si Fire Senior Insp Sam Lawrence Velarde sa Bureau of Fire Protection miingon nga padayon ang ilang imbestigasyon sa hinungdan sa sunog diin nagsumikad ang kalayo sa ikaduhang andana sa panimalay ni Wilfredo Mahinay.
Nagtoo si Velarde nga dako ang posibilidad nga depektosong electrical wirings ang hinungdan sa pagkasunog sa 16 ka pinuy-anan.
Nasunog usab ang balay ni Kag. Ruel Lucero,Eugine Damit, Edito Galendez, Al Quinisala, Celso Gultiano, Danny Manuta, Arnold Salise, Danilo Salise, Celestina Aballe, Guilbert Mag-away, Boy Polinar, Danilo Salise, Roy Pedrosa, Alex Toyogon, Conchita Arsollon ug Lily Quitorio.
Hisayran nga adunay usa ka bombero ang samaron sa maong sunog dihang nabikil ang iyang abaga kagahapon sa hapon.
