(Update) CAGAYAN DE ORO CITY – Gikompirmar ni Senator Christhopher ‘Bong’ Go nga nahuptan na sa Philipppine National Police- Criminal Investigation and Detection Group si kanhi Pres Rodrigo Duterte.
Kini subay sa impormasyon nga nahuptan sa Bombo News Team nga nakatutok sa paghidangat ni Duterte gikan sa iyang biyahe sa Hongkong diin mitugpa ang gisakyang eroplano sa terminal 3 sa Ninoy Aquino International Airport ning buntag.
Subay sa pasiuang impormasyon nga anaa sa sulod sa Kampo Krame ang kanhi presidente diin wala makaduol ang iyang mga alyado sa politika nga naghulat unta kaniya sa NAIA VIP Lounge.
Wala pa’y giluwatang pahayag ang Malakanyang ug PNP kabahin sa ilang paghupot kang Duterte.
Si Duterte ang kontrobersyal kay giimbestigaran sa International Criminal Court tungod sa reklamo sa war on drugs diin gipamugos sa iyang mga kritiko nga dayag nga ‘crime against humanity’.
Apan pagpasbot usab ni Duterte nga walay bisan usa nga presidente sa Pilipinas nga nangahas pagbungkag sa mga sindikato sa illegal nga droga gawas kaniya aron proteksyonan ang katawhan batok sa ngil-ad nga epekto niini.
