CAGAYAN DE ORO CITY – Napatay sa running gun battle ang gitumbok nga lider sa organized robbery group nga kanhi konektado sa Ozamiz robbery syndicate diha sa Lerio Street,Brgy Carmen sa syudad kagabii.
Kini human nasapon sa kapolisan ang grupo ni Archilito Palubon alyas Bingkol nga taga-Tudela,Misamis Occidental nga mitulis sa New Cagayan CCH Hardware sa Ipil Street sa maong lugar kagabii.
Miingon si Cagayan de Oro City Police Office COCPO spokesperson Police Major Evan Viñas nga wala masayod si Bingkol nga gihulatan na sila sa kapolisan gawas sa hardware hinungdan nahitabo ang ginukdanay.
Naigo sa abaga si Bingkol nga milahos sa iyang dughan gamit ang 9mm pistol hinungdan sa kamatayon niini.
Nadala sa mga tulisan ang 20-mil pesos nga kinitaan sa patigayon apan wala na kini nila madala gumikan sa pagginukdanay kagabii.
Si Bingkol ang gitudlo sa PNP nga utok sa daghang kaso sa pagpanulis sa pipila ka Mindanao nga naglakip sa branches sa LBC,hardwares ug Quality Appliance Plaza ning syudad sa miaging mga bulan.
