CAGAYAN DE ORO CITY – Gihulagway ni Iligan City Information officer Joe Pantoja nga “mass motion” ang nahitabo sa labing ulahing sesyon sa konseho kalabot sa pagdeklarar sa state of calamity tungod sa dengue outbreak sa Iligan City.
Base sa data nga gi-presentar sa Health and Sanitation Committe sa konseho, 80 porsyento sa 44 ka ihap sa mga barangay sa syudad ang nakasinati sa outbreak.
Gumikan niini, gikan sa P30-Milyon nga pondo sa Disaster Risk Reduction Office, makuha sa syudad ang kapin P8-Milyon pesos nga Quick Response Fund kon QRF aron i-ayuda sa mga barangay nga naigo sa dengue.
Sa pagkakaron, nagpabiling 14 ang patay ug 1,113ka tawo ang natakbuyan sa makapatay mga sakit sukad Enero hangtud Agusto 20, 2019 nga data sa City Health Office sa Iligan.
