CAGAYAN DE ORO CITY – Nasunog ang Domain Internet Cafe ug Rose Pharmacy sa dalang Abuela, Divisoria, ning dakbayan.
Base sa report ni Bureau of Fire Protection Investigator SFO-1 Dennis Dales, nakadawat sila sa fire alarm 12:58 ang takna sa kadlawon ug gilayon nilang girespondehan.
Si Dales miingon nga hurot ka ugdaw ang duha ka establishemento. Gibutyag niini nga nagsumikad ang sunog sa internet cafe ug gilayong mikatag sa abay nga botika.
Naka-angkon sab sa gamay’ng damyos ang Dunkin Donuts.
Gibana-bana nga P200,000 ang inisyal nga damyos sa sunog. Miabot pa sa 3rd alarm ang nasampit nga sunog.
Gideklarar nga fire under control sa 1:45 sa kadlawon, ning adlawa.
Wala pay nasutang hinungdan sa sunog ang mga tinugyanan sa BFP.
Walay namatay o angol human sa insidente.
