Gidismis na sa serbisyo ni Department of Public Works and Highways (DPWH) Secretary Vince Dizon si Henry Alcantara, ang kanhi District Engineer sa Bulacan First District. 

Ang pagsipa kang Alcantara naka-angkla sa mga anomalosong flood control project ubos sa iyang hurisdisksyon, kundiin, napamatu-an nga gawas sa palpak nga mga flood control, adunay pay "ghost project"  o walay aktuwal nga implementasyon apan nakamugna sa "complete submission" sa mga pertinenting dokumento sa Commission on Audit (COA). 

Gibutyag ni  Dizon nga ang desisyon sa pag-dismiss gisubay sa imbestigasyon nga nagpakita sa posibleng pagpanikas ug pagpakunhod sa kalidad sa mga proyekto nga nagkantidad sa sobra ₱100 milyon. 

Gilaraw sa ahensya ang pagpasaka sa kasong kriminal batok kang Alcantara sa Ombudsman, samtang gipa-recall ang iyang gi-assignment isip  Assistant Regional Director sa Calabarzon ug gibutang sa “floating status” samtang nagpadayon ang legal nga proseso.

RELATED ARTICLESMORE FROM AUTHOR