CAGAYAN DE ORO CITY – Gibutyag sa duha ka pastor nga sila Pastor Roger ug Daniel nga mubalik ang operasyon sa KAPA Ministry sa adlaw’ng Lunes, Enero 6, 2020.
Nagsibya ang duha ka pastor gamit ang PACMAN radio ug nadunggan sa YouTube streaming kaganina sa buntag.
Gipasalig sa duruha nga mubalik na sa pagka-aktibo ang ilang nasirad-an nga branches tungod kay giingong natagaan sila sa permiso gikan sa gobyerno.
Lakip sa gihisgutan sa duruha ang mga text messages sa mga KAPA members ug gi-igo sa pagsaway ang duha ka ngalan nga sila “Jan-Jan” ug “Jonathan” .
Gitawag nila’g paki-alamiro ang duha ka ngalan nga gilakmitan.
Gitawag pa niini ang usa ka anchorman nga si Jan-Jan isip “singkaw” . Ania ang link https://www.youtube.com/watch?v=ZEmWlzAgHmc
Dumduman nga nabungkag ang KAPA human nasayran sa NBI ug SEC nga wala kini permiso sa pagpangulekta sa pundo gikan sa ilang mga miyembro aron himoong investment.
Naglihok ang KAPA International Community Ministry sa Cagayan de Oro, Misamis Oriental, Davao City, General Santos City, Koronadal, ug sa Bohol.
Base sa report, mu-abot na sa 6-milyon ang miyembro sa KAPA.
Pabiling wanted ang ilang founder nga si Pastor Joel Apolinario
