Gimanduan sa Korte Suprema si Presidente Ferdinand Marcos Jr. nga magsumiter sa komento sulod sa napulo ka adlaw kalabot sa petisyon nga nagtinguha nga pugson siya sa pagpaubos sa pisikal ug mental nga eksaminasyon, lakip na ang hair follicle drug test.
Ang maong petisyon nga gisumite niadtong Abril 10 sa mga retiradong militar naghangyo usab sa pagpagawas sa medical reports aron mapamatud-an ang kahimsog sa Presidente.
Gisumiter kini pipila ka adlaw sa wala pa siya makita sa Malacañang nga nag-jogging ug nag-jumping jacks aron isalikway ang mga tsismis bahin sa iyang kahimsog.
Apil usab sa giingong mga respondent si Executive Secretary Ralph Recto nga gisugo nga magsumite sa komento sama sa Presidente.
