CAGAYAN DE ORO CITY – Samaron ang tulo ka magsoong Cadiz sa pagkasunog sa upat ka balay diha sa Brgy 9 ning syudad kaganihang kadlawon.
Miingon si Brgy 9 Kap Erlquim Lim nga anaa sa walo ka pamilya ang apektado tungod sa pagkasunog sa pinuy-anan ni Fe Cadiz.
Kabahin sa mga biktima nga anaa na-confine sa Northern Mindanao Medical Center sila si Juvy,Jennifer ug Romeo Cadiz.
Una niini,diriyot ma-trap ang mga biktima sa pag-ulbo sa kalayo samtang anaa sila sa lawom nga katulugon kaganihang kadlawon.
Nasunog usab ang porsyon sa balay ni Lim ug brgy hall diin inisyal dunay structural damage nga 750- mil pesos.
