CAGAYAN DE ORO CITY – Patay ang negosyante nga gitulis kuyog ang iyang driver samtang sakay sa bongo truck sa Barangay Canitoan ning syudad karong hapon lamang.
Giila ang biktimang negosyante nga si Engr Wilmer Apostol nga kontraktor nga taga-Valencia City,Bukidnon.
Sumala ni Bulua Police Station commander Police Capt Jose Sto Domingo nga duha ka suspek nga naka-helmet samtang sakay sa motorsiklo ang kalit mipusil sa mga biktima.
Gibutyag ni Sto Domingo nga tulis ang motibo kay nawala ang dala nga bag sa biktima diin anaay sulod nga wala matino nga balor sa salapi nga pang-suweldo sa ilang mga trabahante sa Bukidnon.
Gidala pa sa City JR Borja Hospital ang driver ni Apostol diin anaa sa talandugong kahimtang.
Narekober ang siyam ka kapsula sa bala gikan sa wala matino nga armas sa crime scene.
