CAGAYAN DE ORO CITY – Gitay-og sa dyutay nga linog sa ikaduhang higayon ang Wao Lanao del Sur.
Base sa data sa Philippine Volcanology and Siesmology kon Phivolcs websit earthquake.phivolcs.dost.gov.ph, mitay-og ang 4.1 magnitude nga linog alas 12:36 udto ang episentro sa linog natumbok sa 3 kilometros sa amihanan batok 8 degrees sidlakang bahin sa Wao.
Ang ikaduhang linog mitay-og sa alas 12:42 sa udto sa 8 kilometros amihanan, ug 89 degrees sa kasadpang bahin sa Wao.
Mirehistro sa 3.7 magnitude ang ikaduhang pagtay-og.
Padayon pang gisuta sa Phivolcs ug PDRRMC Lanao kung duna bay nadamyos human sa duha ka pagtay-og.
