CAGAYAN DE ORO CITY – Gikompirmar ni US President Donald Trump na namatay na si Islamic State Leader Al-Baghdadi, karong buntag. Base sa pamahayag ni Trump sa White House, kompirmado nga lawas sa IS-Leader ang nagutadgutad sa bala sa gilusad nga operasyon sa US military Troops sa Syria. Sa milabay’ng adlaw, nangante si Trump nga dunay dakung hitabo ang mubag-o sa dagway sa kalibutan human ilang gilusad ang raid sa Syria. Pipila ka oras human gi-anunsyo ni Trump ang report, daghang mga world leaders ang nagpasalamat kaniya. Kini gilakipan sa nasud sa nila Turkish Presidente Recep Tayyip Erdogan, ug Israeli Prime Minister Benjamine Netanyahu.
Ang Islamic State o kaniadto giila nga ISIS, naila sa tibook kalibutan sa tui 2014. Human daghang mga kanasuran ang ilang gi-atake lakip na ang Pilipinas. Ang unang pagpangatake nga gi-angkon sa IS nagsumikad sa tui 2003 didto sa Iraq human sila nanumpa ug nakig-usa grupong Al Qeada, gisundan kini sa ilang duguong pagpamomba ug pagpangatake sa mga shiites muslim sa Syria. Ila sab gigubot ang nasud sa Libya, Pakistan, Afghanistan, Libya ug bisan sa mga African Countries sama sa Nigeria.
Ang mga naglangkob sa IS mao ang mga sunni muslims nga milusad sa holy war batok sa mga shiites muslim nga kasagaran nakabase sa Middle East o tunga-tungang sidlakan. Base sa latest report sa US Pentagon, natumbok nila ang mga grupo sa IS nga nagkota sa mga probinsya sa Libyan Province, Sinai, Yemen, Algeria, Khorasan Province, West Africa, Caucasus Province duol sa Black Sea, Somalia Province ug hilit nga mga lugar sa Central Africa.
