CAGAYAN DE ORO CITY – Sugatan ang 13 na senior high students kasama ang guro ng Mary Child School nang madisgrasya ang sinakyan passenger jeep sa Macapagal Drive,Barangay Canitoan,Cagayan de Oro City.
Sa panayam ng Bombo Radyo,inihayag ni Urban Search and Rescue (USAR) member Benard Torres na nanggaling sa isang recollection ang mga biktima sa Manresa Retreat House,Upper Carmen nang biglang nawalan ng kontrol ang jeep.
Sinabi ni Torres na pinaniwalaang mabilis ang takbo ng jeep pabalik sa paaralan nang nawalan ng balanse ang driver.
Agad naka-responde ang rescue teams sa lokasyon ng mga biktima na nasa 20 mag-aaral kung saan 13 sa kanila ay dinala sa pagamutan.
Nasa ligtas nang kalagayan ang lahat ng mga biktima habang isinagawa pa ang karagdagang imbestigasyon ng kapolisan.
