Nadakpan na ang nagtagu-tago nga si kanhi Bamban Mayor Alice Guo nga dugong Intsik samtang gisibatan niini ang iyang mga obligasyong-legal sa Pilipinas didto sa Tangerang,Indonesia kaganihang kadlawon.
Gibutyag sa interbyu sa Bombo Radyo ni National Bureau of Investigation Director Atty. Jaime Santiago nga mismo ang Indonesian authorities ang midakop kang Guo nga gilayong gipahibalo usab nganhi sa Pilipinas.
Namahayag si Santiago nga gilayon sila makig-koordinar sa Indonesian govt aron mahikay ang pagpapauli kang Guo nga unang giimbestigaran sa senado kay nagpatoo nga dugong Pinoy ug may kalambigitan sa mga kalihukang ilegal sa Philippine Offshore Gaming Operations o POCO sa Tarlac ug ubang Luzon provinces.
Gibutyag ni Santiago nga limitado una ang ilang ihatag nga impormasyon samtang may mga gihimo nang mga lakang kabahin niini.
Una nang mi-eskapo si Guo mismo sa kasamtangang imbestigasyon sa mga senador sa illegal POGO hubs diin apil siya nga gitudlo nga utok niini.
