CAGAYAN DE ORO CITY – Patay ang staff ni DILG regional director Arnel Agabe dihang naligsan sa IPM garbage truck diha sa Macapagal Drive,Upper Carmen sa syudad.
Kini human nalatayan sa truck nga gimaneho ni Victorilo Rosales nga taga-Macanhan ang biktima nga si Bobby Leyte Jr,24 anyos,ulitawo nga nagpuyo sa Brgy Canitoan ning syudad.
Gibutyag ni Police Staff Sgt Rey Corpuz,investigator sa Carmen Police Station nga kusog ang dagan sa motorsiklo ni Leyte hinungdan nabanggaan niini ang paliko nga pribadong sakyanan nga gisakyan ni Monaliza Baldivino, 26 anyos,dalaga nga taga-Opol ning lalawigan.
Nalatayan sa truck ang biktima hinungdan sa kamatayon niini.
Detinado si Rosales ug Baldivino samtang gihulat ang hukom sa pamilya ni Leyte kon kanus-a mopasaka’g kaso batok sa duruha.
Samtang namugos ang kampo ni Monaliza Baldivino nga sila ang gibanggaan sa namatay’ng si Bobby Leyte Jr hinungdan sa aksidente.
Miingon si Mary Jane Cabanieros,igsoon ni Monaliza nga naka-hazard sila aron moliko apan kalit milagubo ang likod sa ilang sakayanan dihang mibangga ang motorsiklo ni Leyte.
Gani,may nagpasidaan nang daan kang Leyte kinsa padulong sa trabaho sa DILG-10 nga hinayan ang dagan kay peligro kini sa disgrasya.
