CAGAYAN DE ORO CITY – Gikompirmar ni Pres. Rodrigo Duterte nga iyang gimanduan si DOLE Sec. Silvestre Bello III nga makigdayalogo kang CPP-NPA-NDF founding Chairman Jose Maria Sison sa posibleng pagbuhi sa sinultihay sa kalinaw sa nasud.
Miingon si Pres. Duterte nga nagpabilin ang iyang kaikag nga mahunong ang problema sa insurhensiya sa Pilipinas, busa iyang gibuksan ang komunikasyon tali sa walhong grupo.
Nanghinaut ang presidente nga dawaton ni Sison ang iyang tanyag nga pagpadayon sa peace talks kay gamay na lamang nga panahon ang nabilin sa iyang termino.
Una niini,gibungkag ni Duterte ang peace negotiating panel sa gobierno kay gusto niya nga mahimong localize ang pagsulbad sa problema sa insurhensiya sa nasud.
