CAGAYAN DE ORO CITY – Wala na makasaulog ug makasugat sa bag-ong tuig ang 21 anyos nga survivor sa bagyong Sendong nga taga-Brgy Consolacion sa syudad.
Kini human tigbasa sa wala mailang mga responsable ang biktima nga si Kevin Rey Binayo,minyo ug kabahin sa survivors sa mihapak nga bagyong Sendong sa syudad.
Subay sa report,mibisita ang biktima sa iyang igsoon sa lungsod sa Talikag,Bukidnon dihang nakasugat sa kabangi diin nagresulta sa pagpanigbas.
Dead on the spot ang biktima apan gidala gihapon kini sa Northern Mindanao Medical Center.
Giangkon sa iyang kabanay nga nakainom usab ang biktima samtang atua sa pinuy-anan sa igsoon niini sa maong lugar kagahapon sa buntag.
