Mubalik sa pagsaba-saba sa dalan ang mga miyembro sa Samahang Manibela, Mananakay at Nagkaisang Terminal ng Transportasyon (SMMITT) o mas naila sa grupong MANIBELA sa ilusad nga transport pahulay sugod Abril 15 hangtud 17.
Kini ang gibutyag ni Mar Valbuena ang chairman sa grupo sa gilusad nga press briefing, karong buntag.
Si Valbuena miingon nga sa ilang pagpulong kagahapon, nadesisyonan sa Manibela Groups sa Cagayan de Oro, Iligan, ug Ozamis City sa Mindanao, Cebu, Ormoc, Catbalogan sa Visayas, lakip na ang General Santos City ug Davao ang mupatuman sa transport pahulay.
Gikasuko ni Valbuena kung nganong gamay ra ang rollbak taliwala nga daghang oil tanker ang napalabang sa Strait of Hormuz sukad napatuman ang ceasefire.
Gikastigo ug gi-akusar sa grupo ang Department of Energy (DOE) nga maoy gakontrol kung pila ang ROLLBACK sa presyo sa lana matag semana.
Dili madawat sa ilang grupo ang sensilyo nga rollback, ilabe na ang dagku kaayo ang kuwestiyonabli nga kinitaan sa mga kompanya sa lana nga naglumba pasaka sa presyo, bisan anaa pa silay reserba sa lana ug anaa pa sa unang semana ang gubat sa Middle East
