CAGAYAN DE ORO CITY, Philippines – Mubalik na sa iyang normal nga trabaho si Santo Papa Francisco, human gi-anunsyo sa kadagkuan sa Gemelli University Hospital nga naulian na sa iyang double pneumonia.
Apan mi-abiso ang doktor ni Pope Francis nga kinahanglan gihapon sa santo papa ang duha ka bulan ang pagpahulay ug igong pag-atiman sulod sa Vatican, ug ayha ra mubalik sa iyang regular nga katungdanan kung makompleto na ang iyang pag-ayo.
Unya sa udto, oras didto sa Roma, gilauman nga mupatim-aw ang 88 anyos nga pontiff sa bintana sa St. Peters Basilica aron mupakita sa bagang doot nga ihap sa mga Katoliko nga walay puwas ang pag-rosaryo sa St Peters Square, hangtud sa adlaw nga siya makagawas na sa hospital.
Hisayran nga lima ka semana nga nagpa-alim ang santo papa sa hospital human nanghupong ang iyang lawas epekto sa pnemonia ug gi-atake sa ubo nga may dalang kalisdanan sa iyang pag-ginhawa
