Pasado na ang “One Big Beautiful Bill” nga gisugyot ni dating President Donald Trump sa hawanan sa US Congress.
Sa press briefing sa House Republicans, gibutyag ni Representative Lisa McClain (R-Michigan), Chairwoman sa House Republican Conference, milapus sila sa pagpasar sa sugyot nga nag tumong sa pagpalanog sa kampanya sa administrasyon nga “America First” agenda.
Gawas niini, ang “One Big Beautiful Bill” nagtarget sa permanenteng mga tax cuts, pagpalig-on sa border security, pagpausbaw sa energy independence sa Amerika, ug pagwagtang sa mga gastong walay pulos sa gobyerno.
Segun sa mga lideres sa Republikano, ang balaod mitubag sa kapakyasan nga nahimo sa Democratic Administration ni kanhi Presidente Joe Bidensa migaing upat ka tuig.
Ang House mipasa sa maong balaod pinaagi sa 219-213 nga boto, diin halos tanang Republicans mipabor ug tanang Democrats misupak.
Usa lang ka Republican, si Rep. Brian Fitzpatrick, ang mibotar uban sa mga Democrats batok sa procedural motion.
Ang Senate version sa balaod napasa na usab sa 51-50 nga boto, diin si Vice President JD Vance ang nag-break sa tie vote.
Gilauman nga mapirmahan kini ni Trump sa Independence Day, Hulyo 4, isip simbolo sa iyang liderato ug sa panaghiusa sa Republican Party.
