CAGAYAN DE ORO CTY, Philippines – Terrorismo ang gitutukang anggulo sa pagdaru sa usa ka Ford Pick-Up Truck sa kapin 50 ka mga sibilyan sa Bourbon Streets, samtang nagselebrar sa pagsugat sa Bag-ong Tuig, sa estado sa New Orleans, Amerika.
Sa gilusad nga news conference, namahayag si New Orleans Police Department Superintendent Anne Kirkpatrick nga misaka pa sa 10 ka tawo ang patay ug 30 ang samaran human giligsan sa suspek nga si Shamsud-Din Jabbar, 42 anyos ug molopyo sa estado sa Texas.
Base sa inisyal nga imbestigasyon sa Federal Bureau (FBI), intensyonal ang pag-atake sa suspek nga may dalang ISIS Flag, eksplosibo ug armas sulod sa iyang sakyanan.
Gikompirmar sa kapulisan ang gisaysay sa mga nakasaksi nga namusil pa ang suspek sa mga naka-istambay nga mga pulis human niya gidaru ang mga sibilyan.
Hinoon, paspas nga na-intercept ang suspek ug paslak na sa prisohan.
