CAGAYAN DE ORO CITY – Misaka pa sa 215 ang ihap sa tawong gipaubos isip person under investigation kon PUIs human gidudahan nga nagbaton sa sintomas sa Wuhan Corona Virus.
Kini ang gikompirmar ni Department of Health Secretary Dr. Francisco Duque III, human dugang 184 ka tawo ang gipa-ubos sa strict monitoring ug pabiling duha ang ihap sa fatalities nga pulos Chinese Nationals.
Gibutyag ni Duque nga misaka ang ihap sa PUIs tungod kay resulta kini sa ilang contact tracing gikan sa mga tawong na-exposed sa nagpostibo nga duha ka Chinese Nationals nga unang nadayagnos nga positibo sa nCoV, kuyog ang mga tawong nahimamat sa usa ka 60 anyos nga babayeng tigulang nga nagpositibo sab sa maong bayrus.
