CAGAYAN DE ORO CITY- Mikanaug na sa katungdanan isip pinakataas nga opisyal si Army Lt Gen Ronnie Evangelista sa Philippine Military Academy (PMA) sa Baguio City.
Kini tungod sa kamatayon ni PMA Cadet 4th Class Darwin Dormitorio gumikan sa hazing o sobra nga pagdagmal nga nadawat niini gikan sa upperclass men sa miaging semana.
Gibutyag ni Evangelista nga giangkon niya ang kakulangon nga mapugngan ang hazing nga hilom nga gihimo sa pipila ka kadete sulod sa akademya.
Una nang nanawagan si Cagayan de Oro 2nd District Rep Rufus Rodriguez nga mo-resign ang PMA officials tungod sa palpak nga pagpatuman sa anti-hazing law sulod sa PMA.
