Wala na masalbar ang kinabuhi ni Charlie Kirk, human gipusil-patay, samtang mitambing sa dakung okasyon sa school campus sa Utah, Amerika.
Naila si Kirk isip konserbatibong political activist ug co-founder sa Turning Point USA.
Kini nga organisasyon nga nag-awhag sa kabatan-onan sa U.S. nga mulambigit sa isyu sa politika.
Nahitabo ang pagpamusil samtang naghatag siya sa public talk sa Utah Valley University isip parte sa ilang “American Comeback Tour”.
Si Kirk gipusil sa liog samtang nagtubag sa usa ka pangutana sa Q&A session, ug dali siyang gidala sa ospital apan gideklarar nga patay human sa pipila ka oras.
Ang insidente nahitabo sa atubangan sa iyang asawa ug duha ka anak, nga nanan-aw sa maong event.
Sumala sa mga report, nadakpan na ang suspetsado, apan wala pa klaro ang motibo sa krimen.
Daghang politiko sa U.S. ang mipahayag sa ilang kasubo, lakip na si President Donald Trump ug Barack Obama, nga nag-awhag sa katawhan sa pag-ampo para sa pamilya ni Kirk.
