Giisa na ang Tsunami Warning human tay-oga sa kusog nga linog ang Russia. Segun sa report, misukod sa 8.7 magnitude ang linog nga miigo sa kasadpang baybayon sa Kamchatka Peninsula.
Gawas sa Russia, miisa usab sa Tsunami Advisories ang gobyerno sa Japan, Alaska, ug pipila ka isla sa Pacific sama sa Guam, Rota, Tinian, ug Saipan.
Segun sa US Geological Survey, ang linog nahitabo sa gilay-on nga 133 kilometros sa habagatan-sidlakan sa Petropavlovsk-Kamchatsky ug adunay giladmon nga 12 ka milya.
Kini nga linog taas ang tsansa nga makamugna sa tag 3 metros nga gitas-on sa tsunami sa kabaybayunan.
Padayong nagmonitor ang Japan Weather Agency sa posibilidad nga muabot sa ilang dagkong coastal areas ang tsunami waves sa sa 9 unyang gabii.
Ang Hawaii Emergency Management Agency, usab, nag-isyu sa tsunami watch samtang nagpadayon ang imbestigasyon sa posibleng epekto sa maong katalagman.
Ania ang pagbantay sa mga otoridad sa Russia sa ilang kabaybayunan.
