CAGAYAN DE ORO CITY – Misaka pa sa 4th alarm ang sunog sa residential area duol sa Pier Brgy. Macabalan, karong hapon.
Sa pakighinabi sa Bombo Radyo kang Teddy Sabugaa, city Administrator, gibutyag niini ang mandato ni City Mayor Oscar Moreno nga gilayong tabangan ang mga nasunugan.
Base sa report sa Bureau of Fire Protection (BFP-10) gibana-bana nga muabot sa 30 hangtud 40 ka balay ang nagtapok sa lugar kundiin nagsumikad ang sunog.
Lakip nga mitabang sa BFP ang mga kapulisan nga nakabase sa Macabalan.
Usa ka bata ang gireport nga na missing ug laing usa ang nakuyapan.
Miingon ang mga nasunugan nga nagsugod ang kalayo sa balay ni Irish Waban.
Sa pagkutlo ning balita, nagpadayon pa ang pagpalong sa kalayo sa mga nasunog nga mga balay.
