CAGAYAN DE ORO CITY – Nakasinati na sa diskriminasyon ang mga residente nga silingan sa ika-97 ka pasyente nga positibong kaso sa coronavirus diha sa Zone 5,Brgy 35 ning syudad.
Kini ang gikaangkon sa residente nga si Narissa Ligtas-Torejas usa sa libuang residente nga naka-lockdown sa maong brgy.
Miingon si Torejas nga dili na sila pasudlon kon mohimo sila sa pagpang-merkado sa Cogon market tungod sa pagka-lockdown sa ilang lugar.
Una niini,kasamtangang naka-confine sa Northern Mindanao Medical Center ang 30 anyos nga babaye nga positibo sa bayrus kinsa igsoon sa namatay nga residente nga naka-sinati sa LBM ug pagsuka-suka sa miaging adlaw’ng Domingo.
