CAGAYAN DE ORO CITY – Gipaubos sa Commission on Elections sa imbestigasyon ang sobra 4-mil ka residente nga nag-interes pag-transfer sa ilang voter’s registration gikan sa laing lokasyon padulong sa Brgy Carmen ning syudad.
Kini ang gikompirmar ni Comelec-MisOr Provincial Election Supervisor Atty. Carlito Ravelo nunot sa padayong registration period sa ilang ahensiya sa nagsingabot nga piliay sunod tuig.
Miingon si Ravelo nga nag-unang tyo sa Comelec -CdeO 1st District Office nga sutaon kon dunay balidong rason nga angay madugang nga rehistrante o botante ang maong ihap sa mga residente o lahi ang katuyuan sa pagbalhin sa ilang mga rehistro.
Lauman ang init nga away-politika sa pamilyang Suan ug Uy sa Brgy Carmen sa 2025 elections ning syudad.
Samtang katingad-an rason nga angay lang susihon sa Commission on Elections ang paspas nga pagbalhin sa ubang mga botante gikan sa laing mga brgy padulong sa Carmen ning syudad.
Kini ang reaksyon ni CWGG 10 convenor Atty. Antonio Soriano kabahin sa kamulong preliminary investigation sa Comelec sa libuang mga aplikante aron mahimong bag-ong botante sa Brgy Camen.
Namahayag si Soriano nga batakang katungod ang pagbalhin sa voting area apan dagkong tanghaga kaniya nga pulos namaingon sa usa lang ka lugar sama sa Carmen ang maong mga aplikante.
