CAGAYAN DE ORO CITY, Philippines – Mitug-an si Barangay Iponon Chairman Benjie Reyes nga bahaonon ang halos nubenta porsiento nga luna sa ilang barangay.
Gisaysay sa kapitan ang iyang kaagi ug kalisud niadtong bata pa kini, hangtud nga siya na ang gadumala sa barangay.
Miangkon ang opisyal nga wala silay laing mabuhat kundili mag-igmat ilabe na nga musulod na ang La Nina, ug gilauman na nila ang subling pagsaka sa tubig -baha ug pag-awas sa tubig sa Iponan River.
Mahinumduman nga sa milabay’ng adlaw, kapin 200 ka pamilya ang nagpasilong sa ilang Barangay Covered Courts kay pulos nalunupan.
