CAGAYAN DE ORO CITY – Kasuhan sa kapolisan ang ten wheeler truck driver nga responsable pagbangga-patay sa tulo ka tawo ug laing usa ang kritikal samtang nag-checkpoint sa Community Quarantine Control Point sa Sayre Highway, Maramag,Bukidnon.
Kini bisan kon dunay amicable settlement nga makab-ot ang tagtungod sa mga namatay’ng biktima ug ang operator sa truck driver nga suspek sa dugu-ong aksidente sa miaging gabii.
Miingon si Lt Col Cassan Ali,hepe sa Maramag Police Station nga kabahin sa dead on the spot sila si Margie Maribao ug Jomalyn Buhayon nga pulos brgy health workers ug Camp 1 Brgy Kag Aldren Gaitera pag-abot sa ospital.
Kritikal pa usab ang midwife nga si Beth Lumanca samtang gihataga’g medikasyon sa ospital.
Nasuta nga nakainom nga nagmaneho ang driver nga si Jemuel Ompoc dihang gibanggaan ang mga biktima nga pulos nanimuyo sa maong lungsod.
