CAGAYAN DE ORO CITY- Gidudahan sa kapolisan nga politika ang usa sa mga posibleng motibo sa pagpusil-patay sa brgy konsehal sa Brgy Sumpong,Malaybalay City,Bukidnon.
Giila ang biktima nga si Rommel Romeo,48 anyos,minyo ug nagsilbi usab nga negosyante sa maong lugar.Segun report,may nagpatoo nga usa ka lalaki nga ‘buang’ ug nagpaduol sa karenderya nga gidumala sa biktima.
Apan wala damha nga kalit kining mibunot sa pusil ug gilayong pusil sa biktima hinungdan nakaangkon sa nagkadaiyang samad sa lawas hinungdan sa kamatayon niini.
Nasayran sa kapolisan nga daan nang misulti ang biktima sa iyang pamilya nga makaupat na kining nakadawat ug bahad sa kinabuhi sa wala pa kini pusila sa wala mailang suspek sa maong lugar sa miaging gabii.
