CAGAYAN DE ORO CITY – Gipusil-patay sa tulo ka gitoohang sakop sa rebeldeng New People’s Army o NPA ang barangay kagawad kinsa ebel returnee sa P-4, Brgy Indalasa, Malaybalay City.
Gipusil sa mga suspek ang biktima nga si Indalasa Brgy Kagawad Marido Binalo, 50 anyos,minyo samtang pauli na kini gikan sa pagpatuman sa curfew hours sa maong dapit.
Gibutyag ni Malaybalay City Police Station commander Lt Col Jerry Tambis nga nakaangkon ang biktima sa 14 ka samad pinusilan sa iyang lawas gamit ang M-16 rifle hinungdan sa iyang kamatayon.
Narekober sa crime scene ang 33 ka empty shell ingon man 2 ka bala sa M-16 rifle. Gitoohan nga miyembro sa Front Committee 89 ang mga suspetsado nga mipatay sa biktima.
