CAGAYAN DE ORO CITY – Dakpan ang barangay kagawad human gilusad nga joint drug buy bust operation sa Regional Police Drug Enforcement Unit 10 ubos sa pagdumala ni Police Liutenant Colonel Gerardo Ulanday ug Iligan City Police Office o ICPO sa Purok 6 Brgy Tomas Cabili,Iligan City.
Giila ang suspek nga si Jamale Cali alyas Jam-Jam Cali, 37 anyos, minyo ug residente sa Brgy Upper Hinaplanon sa susamang syudad.
Lakip si Ali sa drug watchlist ni Pres Rodrigo Duterte.
Nakuha sa iyang posisyon ang kapin kon kulang P24, 000 nga street value sa gitoohang shabu.
Gikasuhan ang suspek sa pagpamaligya sa shabu ug ilegal possession of shabu sa piskalya sa Iligan City.
