CAGAYAN DE ORO CITY – Patay sa ambush ang barangay kapitan ug samaron ang kauban niini sa Brgy Montay,Malabang,Lanao del Sur kaganihang buntag.
Giila ni Lt Col Jopy Ventura,tigpmaba sa Police Regional Office-Bangsamoro Autonomous Region ang opisyal nga si Baraas Punong Brgy Binhar Alon Jawad,25 anyos nga taga-lungsod sa Picong sa probinsya.
Samaron usab ang kauban niini nga si Norhan Sarip nga nahiagom usab sa mga igo gikan sa mga sa gitoohang 5.56 rifle.
Subay sa impormasyon,padulong sa Brgy Bacayawan ang mga biktima sakay sa pribadong sakyanan awto aron unta motambong sa graduation ceremony apan kalit gipaulana’g mga bala sa mga suspek nga lulan usab sa kolor puti nga Toyota Fortuner kaganihang buntag.
Mihimo pa sa hot pursuit operation ang mga otoridad aron tumbukon kung kinsa ang utok sa kremin ug motibo.
Wala isalikway sa mga otoridad ang anggulo sa politika sa panghitabo.
