PC:PNP-10 PIO
CAGAYAN DE ORO CITY-Nasikop sa hiniusang police operation ang brgy kapitan ug lain konsehal sa Brgy Dominorog,Talakag,Bukidnon.
Giila ni CIDG deputy director for operations Supt Melgar Devaras ang mga suspek nga si Dominorog Brgy Kapitan Joel Valendez,69 anyos,minyo ug nagpuyo sa maong lugar.
Miingon si Devaras nga gawas kang Valendez kinsa gitumbok nga lider sa criminal armed group,arestado usab si Dominorog Brgy Kag Benino Valendez Jr,35 anyos ug Aldine Jay Valendez,34 anyos,mga ulitawo ug nagpuyo sa susamang lungsod.
Gisikop sa CIDG kuyog ang ubang police units ang mga suspek subay sa mando sa korte tungod sa pagbaton sa klase-klaseng armas,mga bala ug gidiling droga.
Kabahin sa nabawi ang tulo ka granada,lima ka shotguns;garand rifle,assorted short firearms mga bala ug tulo ka cellophane sa pinauga nga mga dahon sa gitoohang marijuana.
