CAGAYAN DE ORO CITY-Nasikop sa hiniusang operasyon sa kapolisan ang high value target nga suspected drug pusher nga aktibong opisyal sa Brgy Pontacon, Initao, Misamis Oriental kaganihang buntag.
Giila ni Initao Police Station commander Insp Mohammad Arthur Sakiran ang suspek nga si Pontacon Brgy Kap Francis Ian Tupag kinsa kanhi surrenderee sa Toktok Hangyo o Tokhang sa maong lungsod.
Gisikop si Tupag pinaagi sa search warrant nga gilugwa sa korte nga gisilbi batok kaniya.
Mismo ang Misamis Oriental PNP Intelligence Branch ug Provincial Drug Enforcement Unit ang misilbi sa mando sa korte hinungdan nakuhaa’g pipila ka sachets sa gitoohang shabu si Tupag.
