CAGAYAN DE ORO CITY-Itugyan sa di madugay sa provincial jail si Patag Brgy Kap Hermito Laid Jr nga unang nasikop sa kapolisan sa lungsod sa Opol,Misamis Oriental.
Kini human makasuhi sa kasupakan sa pagbaligya’g gidiling droga ug paghupot sa eksplosibo sa pagronda sa pinuy-anan niini sa maong lugar sa miaging adlaw.
Miingon si Opol Police Station Sr/Insp Dennis Flores nga itiwas nila ang pagkaso batok Laid sa prosecutor’s office ning adlawa.
Si Laid ang subli nagpapapili pagka-kapitan sa Brgy ug SK elections sa Mayo 14 ning tuiga.
Una nang giklaro ni DILG provincial director Edward Bhagwani nga pabiling kandidato si Laid,gawas lamang kon isibog niya ang kandidatura niini.
