CAGAYAN DE ORO CITY – Gihimuan pa sa dugang imbestigasyon sa kapolisan kon unsa ang rason sa kamatayon sa aktibong kapitan sa Brgy Stimson Abordo,Ozamiz City,Misamis Occidental.
Giila ang biktima nga si Stimson Abordo Punong Brgy Ruel Paran nga nagpuyo sa nahisgutang syudad.
Subay sa inisyal nga imbestigasyon sa kapolisan, gikan sa special session ang biktima ug gilayong gisunod ang pag-vigil sa kabanay nga namatay sa Purok 9 sa ilang brgy.
Apan gikatingala sa iyang pamilya nga wala na kini makauli sa pila ka adlaw hinungdang gipangita kay nabalaka na sila sa kahimtang niini.
Sa wala laumi,nakit-an na lang ang iyang panglawas nga dugta na pipila lang ka metros gikan sa lokasyon diin nahimutang ang balay sa kabanay niini nga kanhi niya giduyugan ug naki-vigil.
Wala pa’y teorya nga gilugwa ang Ozamiz City Police Station kabahin sa kamatayon sa biktima.
Hisayrang petsa 18 pa nawala ang biktima ug pagka-Oktobre 23 na nakit-an apan wala na’y kinabuhi.
